MCR-in Russia leh Ukraine show an ṭhulh ve leh ta

My Chemical Romance chuan Russia leh Ukraine-a show an neih tur chu an ṭhulh thu an puang ve leh ta.

'Welcome To The Black Parade' rocker- Frank Iero, Ray Toro, Gerard Way leh Mikey Way-te hi tun nipui chhung hian heng ram buai mek pahnihah hian inlan tur an ni a, mahse Russia-in Ukraine a rûn avangin show chu an ṭhulh thu an puangzar ve ta a ni.

Russia rama show neih tur ṭhulh band leh artist eng emaw zat an awm tawh a, chung zingah chuan Green Day, Yungblud leh Louis Tomlinson-te pawh an tel a, MCR hi an ṭhulh thu puangzar hnuhnung ber an ni rih.