Science & Environment ; ISRO Chandrayaan-2-in Thlaah Noble Gas hmu

A awma an rin lohna hmunah an hmu chhuak!

Indian Space Research Organisation (ISRO) chuan Chandrayaan-2 orbiter-in Thla atmosphere chung lamah gas pawimawh tak 'Noble Gas' a awm tih an hmuh chhuah thu sawiin, an hmuh chhuahna hmun hi a awma rin a nih ngai lohna hmun a nih thu an sawi.

ISRO chuan Chandrayaan Atmos-pheric Composition Explorer-2 (CHACE-2) equipment chuan Thla exosphere-ah Argon-40 gas a 'detect' tih an sawi a, helai hmun hi Thla boruak pawnlang ber niin atoms leh molecules 'collide' mang lohna hmun niin an sawi bawk.

An thil hmuh chhuah chuan nakinah Thla chungchang an zirchian zelnaah nghawng ṭha tak a la neih thuai an beisei thu sawiin, Thlaa 'radiogenic activity' awmdan chiang zawka an hriat theihna tur a nih an beisei.

ISRO chuan an thil hmuh chhuah chu a pawimawh hle tih sawiin thuchhuah an siamah chuan Argon-40 (Ar-40) chu Noble gas niin, gas stable ber zinga mi a nih bakah surface-exosphere interaction kalhmang hriatthiamna tura thil pawimawh tak a ni, an ti.