Glass Animals 'Heat Waves' a HOT ber Encanto a la hit reng

Billboard Hot 100 chart lamah Glass Animals 'Heat Waves' chu pakhatna a ni ve ta a, pakhatna ni tur hian hun a duh rei hle. Billboard 200 chart lamah erawh 'Encanto' soundtrack bawkin ro a la rel thung.

'Heat Waves' a HOT ber
Kum 2020 June thlaa tlangzarh daih tawh kha a ni a, kum 2020 March thlaah Hot 100 chart topper a ni thei ta hram a, kar 59 zet Billboard Hot 100 chart-ah zu han cham tawh a!

Wolf Tone/Polydor/Republic Records kaltlanga tlangzarh 'Heat Waves' hi Hot 100 kum 63 history-a pakhatna ni thei hla 1,134-na a ni chiah a, kar hmasa chhung khan US-ah chuan vawi maktaduai 14.8 stream niin radio airplay audience impression mtd 66.7 a nei bawk a, download-a lei 2,900 awm bawkin Encanto soundtrack 'We Don't talk about Bruno' rorelna chu a rawn tihtawp sak ta a ni.

'Heat Waves' hi Hot 100 topper ni tura kawng zawh thui ber hla a ni a, kar 59 lai hnuah topper a ni thei chauh a, hei hi record a ni. Mariah Carey hla hit Krismas dawn apianga pakhatna ni ve ziah 'All I Want for Christmas Is You' record chelh lai chu a rawn khum. 'All I Want for Christmas Is You' hi kar 35 hnuah Hot 100 topper a ni ve chauh.

Hot 100 chart-ah chiah 'Heat Waves' hi a hot lo, Billboard Global 200 chart-ah pawh kar hnihna atan pakhatna a ni leh bawk a ni.

GAYLE 'abcdefu' a la hit zel
Global Excl. U.S chart lamah chuan GAYLE 'abcdefu' bawk pakhatna a ni leh ta a, kar kaw chhung lai he chart-ah hian ro a rel ta. He hla hi Hot 100 chart lamah pawh pathumna a ni leh a, Billboard Global 200 chart-ah pahnihna a ni leh bawk.

Encanto hming lamrik a ngai leh tawh
Encanto soundtrack chu kar riatna atan Billboard 200 chart lamah pakhatna a ni leh a, kar hmasa chhung khan US-ah equivalent album unit 80,000 lai a hmu chhuak.

Kum nga liam ta chhung khan album pathum chiah Billbord 200 chart-a kar riat (a zawn kher loin) topper ni thei an awm a, chung zingah chuan Encanto hi a tel a, album dang chu , Morgan Wallen 'Dangerous: The Double Album' (kar 10) leh Taylor Swift 'Folklore' (kar 8)-te kha a ni.

Carolina Gaitan, Mauro Castillo, Adassa, Rhenzy Feliz, Diane Guerrero, Stephanie Beatriz & Encanto Cast 'We Don't Talk About Bruno' pawh pahnihna a ni leh bawk.

Billboard 200 chart top 10:-
1 Encanto Soundtrack
2 Back For Everything Kodak Black
3 Dangerous: The Double Album Morgan Wallen
4 DS4EVER Gunna
5 The Highlights The Weeknd
6 Certified Lover Boy Drake
7 Sour Olivia Rodrigo
8 The Tipping Point Tears For Fears
9 Love Sux Avril Lavigne
10 Planet Her Doja Cat

The Hot 100 top 5:-
1 Heat Waves Glass Animals
2 We Don't Talk About Bruno Carolina Gaitan, Mauro Castillo, Adassa,
Rhenzy Feliz, Diane Guerrero,
Stephanie Beatriz & Encanto Cast
3 abcdefu GAYLE
4 Super Gremlin Kodak Black
5 Stay The Kid LAROI & Justin Bieber