Folina Chongthu hla thar YouTube lamah

Hranghlui zaithiam Peter C Lalrinmawia fanu Folina Chongthu chuan a music video hmasa ber 'Min hnem rawh' chu zanin hian MDM YouTube channel lamah a chhawpchhuak dawn.

Folina Chongthu hian a hla thar hi Zonet lamah chuan a tichhuak tawh a, Spotify, itunes, Apple Music, Soundcloud, Hungama leh app hrang hrangah ngaihthlak turin a chhawp chhuak tawh bawk. Official music video chu duh hun huna hmeh chhuah theih turin zanin hian YouTube lamah a dah chhuak dawn ta a ni.

'Min hnem rawh' tih hla hi ama phuah ngei a ni nghe nghe a, MDM library lamah dah lut tawh bawkin a music video thar hi Reuben Lalmalsawma (Zothlir) chuan directing, videography leh editing zawng zawng a buaipuisak vek a ni. Recording erawh HC Recording studio lama a tih niin music track chu Dama Fanai siam a ni a, music video-ah hian Tiktok leh IG Reels lama hriat hlawh tak Rody_5 chu a inlan bawk.

Folina Chongthu hian a music video hmasa ber tichhuak chauh mah se thu leh hla lamah erawh a mikhual tawh lo hle a, MIPOTY (Mizo Poetry Society)-ah Executive Committee Member niin, Mizo Song Composers Society member a ni bawk. Doordarshan leh AIR lamahte pawh a lo inlan fo tawh a ni.