Sangtei Renza Vawiinah a hla thar 'Malsawmna'

Sangtei Renza chuan music video a siam thar leh ta a, 'Malsawmna' tih a ni. Sangtei hla thar hi vawiin hian tlangzarh a ni dawn a, a nau Lalnunhlimi tan a hlan a ni.

Sangtei Renza hla thar 'Malsawmna' tih hi sap hla Laura Story sak Blessings aṭanga lehlin a ni. He hla letlingtu hi Mahlimi Pa­chuau a ni a, January 2016-a a lehlin kha a ni. Ama sak atana a lehlin ni mah se, Sangtei Renza hian a sa dawn ta zawk a ni.

A nau tan

Sangtei Renza hian kum 2015-a boral a nau Lalnunhlimi hriatreng nana a siam a nih thu sawiin, vawiin hi a nau piancham a nih ang ngeiin a hla thar pawh hi a tlangzarh dawn tih a sawi. He hla hi a record-na a rei deuh tawh a, mahse harsatna eng eng emaw vangin a tichhuak lawk thei lo a ni.

Swordtune Records chuan recording hi an tihsak a, music hi Albert Peka leh Eric Renza ten an buaipui sak thung. Isaac Hnamte chuan Vocal background-ah a aw a thawh a, Dongtei Renza leh Papuia Pachuau pawh an in lan a ni. Video hi i.shot.blanks kutchhuak a ni thung.

Sangtei Renza music video hi PhatBard Pro­duc­tions chuan an pro­duce a, wardrobe hi 'Jennz Fashion Inn' kut chhuak a ni bawk. A hla hi Music Domain Mizoram (MDM) library-ah dahluh a ni tawh a, zanin hian Zonet-ah tihchhuah a ni ang.