John Mayer kutah Legend of Live Award hlan

Billboard Live Music Award chu Thawhlehni zan khan sem a ni leh ta a, American super star John Mayer chu Legend of Live Award hlan a ni. John Mayer lansarh zanah hian Post Malone, Shawn Mendes, Ed Sheeran leh Taylor Swift te chuan award an humhaw ve bawk.

John Mayer a ropui
American singer John Mayer kutah award ngaihhlut ber hlan a ni a, lawmpuitu pawh a ngah hle. Mayer chuan, "Hlawhtlinna ropui tak a ni - ka ṭhian ṭha te leh chhungte vang a ni tih ka hhria a, ka lawm hle a ni. Fan te leh min duhsaktute chungah lawmthu ka sawi tak meuh," tiin award a dawn ṭum hian a sawi.

John Mayer hian Legend of Live Award a dawn a, a thusawi zawh hian mipuiin an lawmpuina lantirin standing ovation an pe hial. He chawimawina hi a tour neih aṭanga leh music industry-a a thawh hlawk avangin hlan a ni a, amah pawh a lawm hle tih a hriat a ni.

Ed Sheeran a duai lo
English singer Ed Sheeran tan hun ṭha a inher chhuak chhun­­zawm zel a, award pawh a hui hnem tawh hle. Billboard Live Music Award-ah pawh Top World Tour leh Top Tour & Top Draw te a la a, Taylor Swift kutah Top U.S. Tour hlan a ni ve thung.

Shawn Mendes chu Artist of the Year award hlan a ni a, Post Malone chu Break­through Artist atan puan a ni bawk.

November 13-14 khan Mon­tage, Beverly Hills-ah Billboard Live Music Summit neih a ni a, a tawpni hian award hi sem a ni. Billboard Live Music Award hi a vawi khat nan comedian Roy Wood Jr chuan a host a ni.

Billboard Live Music Award Winner
Breakthrough Artist : Post Malone
Top World Tour : Ed Sheeran
Top U.S. Tour : Taylor Swift
Top Tour & Top Draw : Ed Sheeran
Top Comedy Tour : Kevin Hart
Top Manager : Dre London
Top Arena : Madison Square Garden
Top Boxscore : U2