Maktaduai khat chuangin 'Mai lum' an en!

Rachel Lalnunkimi'n August 31-a music video a tihchhuah 'Mai a lum e' tih chu YouTube-ah mi maktaduai khat chuang zetin an en der tawh!

Rachel-i music video hi a tirah YouTube lamah hmuh tur a awm nghal lo zawk a, October 4 khan MDM YouTube channel-ah uplaod a ni chauh. Mizo Idol star Rachel-i hian a music video hi MPL kick-off-ah a tlagzarh a, hemi zan hian a perfrom nghal bawk.

Hun rei lote chhungin Ṭha­zual Lengzem chart-ah No.1 a hauh nghal a, mipuiin an hlut hle tih a hriat. Hemi tichiangtu chu YouTube a ni a, thla hnih em pawh a ral hmain mi maktaduai khat chuang zetin an view der tawh a ni.

A hla hi sakpui a nuam e, he mi piah lamah hian a video a hmuhnawm hle bawk. He hla hi Mystic Sailo phuah niin, video hi Roar Video Production (Atea) kutchhuak a ni.