MDM-in Mizo Idol top 11 te chawimawi ; YouTube revenue sem chhuak nghal
Music Domain Mizoram (MDM) chuan nimin khan Mizo Idol Season 6-a top -11 te lawmpuina leh chawimawina hun an hmang. Hemi rual hian YouTube revenue leh Gupsup FM Radio aṭang sum hmuhte te chu a dawngtu tur artist te hnenah an sem chhuak nghal a ni bawk.
He Programme hi Aizawl khawpuia Restaurant lar, hlun leh changkang tak Davids Kitchen, Chanmari ten an sponsor a ni. Top 11 te hnenah hian MDM chuan lawmpuina thuziak mawi tak a hlan a, David's Kitchen ten an pe ve bawk.
MDM hian a vawi nga nan YouTube revenue aṭang pawisa tling khawmte chu zaithiam hrang hrang hnenah Rs. 140,000 chuang an sem chhuak a ni. Tun thla-ah hian YouTube aṭang sum dawng hnem ber chu Rachel Lalnunkimi a ni a, a single music video 'Mai a lum e' aṭangin Rs. 13,200 lai a dawng a ni.
He hunah hian MDM President Te-a Boitlung leh Pu LV Lalthatluanga, General Manager, Zonet ten fuihna thu an sawi a, Miss Mizoram 2018 T. Ramthanmawi leh C.T. Malsawmsangi ten an hman pui bawk a ni.