Latin Grammy Award sem a ni ta

Latin Grammy Award chu a vawi 19 nan Ningani zan khan, MGM Grand Arena, Las Vegas-ah sem a ni a, Jorge Drexler leh Daddy Yankee te an langsar hle. Jorge Drexler hian Record of The Year a dawng a, Daddy Yankee hla hit 'Dura' chu Best Urban Song atan thlan a ni bawk.

Award ceremony hi Will Smith leh Marc Anthony te chuan an khuhhawng a, Bad Bunny a inlar bawk. Anni pathum hian boruak an vaw 'hot' thiam hle a, mipui thawm pawh a ṭha rem rem hle. 'Esta Rico' tih hla an sak laiin entu mipui an phu suau suau a, lam thiam rual ten an ṭawiawm ṭha hle bawk.

Kane Brown chu dawhsan rap pha zingah telin, mipui lawm ber te zinga mi a ni. Best New Artist atana thlan Karol G. chevel a hmuhnawm a, Mexican rock band lar Mana te an perform bawk. Mana hian Latin Recording Academy 'Person of the Year' an dawn hnu hian fan te surprise-in World Tour an neih leh tur thu an puang a ni.

Telefonía chuan award pahnih - Record of The Year leh Song of The Year te a dawng a, mimala langsar ber tih ngam a ni. Hetih lai hian 'Despacito' hla avang khawvelin a hmelhriat Daddy Yankee a langsar a, Puerto Rican singer hian award ngaihhlut Best Urban Song a dawng a ni.

Colombian singer Maluma chu chawimawina dawng zingah hian a tel bawk a, a album F.A.M.E. chu Best Contemporary Pop Vocal Album atan thlan a ni.