WB-in film tlangzarh hun tur siksawi

Warner Bros. chuan an film tlangzarh hun tur an siksawi nual tih Nilaini khan puangzarin 'Aquaman and the Lost Kingdom' leh 'The Flash' tlangzarh hun tur an sawn hla a, 'Shazam! Fury of the Gods' tlangzarh hun tur an sawn hnai thung.

'Aquaman and the Lost Kingdom' hi kumin December 16-a tlangzarh turin ruahmanna siam vek tawh mah se nakkum March 17-a tlangzarh turin an sawn hlat thu an tarlang a, 'The Flash' pawh November 4-a tlangzarh an tum chu nakkum June 23-ah an tlangzarh zawk dawn tih an sawi.

Hetihlai hian 'Shazam! Fury of the Gods', nakkum June 2-a tlangzarh an tum chu kumin December 16-a tlangzarh an tum zawk tih an sawi bawk.

Hetihlai hian 'The Meg' chhunzawmna 'The Meg 2: The Trench' chuan tlangzarh ni tur a nei ve ta a, nakkum August 4-ah an tlangzarh ang.