Canadian Songwriters Hall of Fame-ah Bryan Adams

Bryan Adams leh a hla phuah pui ṭhin Jim Vallance-te chu Canadian Songwriters Hall of Fame-ah lakluh an ni dawn.

'(Everything I Do) I Do It For You' hitmaker, hian Zirtawpni khan a studio album 15-na 'So Happy It Hurts' chu a tlangzarh nghe nghe a, September 24-ah Toronto-a Massey Hall-ah lakluh an ni ang.

Bryan Adams leh Jim Vallance-te hi 'Pretty Woman The Musical'-ah khan thawkdunin 1983 album 'Cuts Like a Knife'-ah pawh khan an hla siam dun eng emaw zat a awm a, 'Summer of '69', 'Run to You' leh 'Heaven'-te pawh kha an pahnih kut chhuak a ni bawk.

Adams hi kum 62 lai ni tawhin Covid-19 vawi hnih lai a positive tawh. Tunah hian fa pahnih a nei ve tawh bawk a ni.

Bryan Adams album thar chu
Bryan Adams album thar 'So Happy It Hurts' hi a studio album 15-na a ni tawh a, hla 12 awmin single-in hla pali lai a tichhuak tawh bawk. He album-ah pawh hian Jim Vallance nena an hla phuah dun eng emaw zat a awm leh a ni.