A û hnungzuiin Bella Hadid Ukraine tan

Supermodel Bella Hadid chuan kar hmasa lamah khan Instagram kaltlanga thuchhuah siamin a û Gigi Hadid hnungzuiin kumina Fashion Week aṭanga a sum hmuh chhuah zawng zawng chu Ukraine-a chhawmdawl hna thawhna turin a pe dawn tih a sawi.

Bella Hadid chuan Instagram-ah fashion event-a a thlalak post-in a caption-ah chuan Ukraine mi a ṭhiante leh thawhpuite'n Europe-ah rim taka hna thawkin, an ram hnaih takah awm mah se an chhungkua/ṭhiante/an in hlat takah an awm tih sawiin chung mite chuan hun khirh tak an tawng mek tih a tarlang a, Mica leh a laizawn Gigi hnungzuiin Fashion Week aṭanga a sum thawh chhuah zawng zawng chu Ukraine-a chhawldawl hna thawktu pawlte hnenah 'direct'-in a pe dawn tih a sawi a ni.

Kum 25 mi runway model Bella hma hian Argentine model Mica Arganaraz leh a laizawn Gigi Hadid-te chuan an sum thawh chhuah chu Ukraine tan an pe dawn tih an lo puangzar tawh a ni.