'Dune: Part Two'-a chang turin Austin Butler an dawr

'Dune: Part Two'-a Feyd-Rautha lema chang turin Austin Butler an dawr niin khawthlang media-te chuan an sawi.

Deadline-in a tarlan dan chuan kum 30 mi 'Once Upon a Time in Hollywood' actor hi Dune siamtute chuan an dawr mek a, an inrem thei a nih chuan Feyd-Rautha lemah a chang dawn a, Paul Atreides (Timothee Chalamet) nen an inhmelma dawn a nih hmel.

Dune film hmasaah khan Sting chu Feyd-Rautha lemah hian a lo chang tawh a ni. Dune siamtute hian Florence Pugh chu Princess Irulan lema chang turin an dawr mek bawk a, 'Dune: Part Two'-ah hian lemchan thiam lar tak tak rual kan hmu leh ngei dawn niin a lang.