North East Choir/Chora Competition-ah Ramhlun South YMA an thiam ber

Prasar Bharati, India Public Service Broadcaster, All India Radio, North Eastern Region in a buatsaih, North East Choir/Chora Competition-ah Mizoram aiawha tel Ramhlun South YMA te chu pakhatna an ni. He competition hi St. Anthony’s College Auditorium, Shillong-ah November 16, Zirtawpni khan neih a ni a, hmarchhak state hrang hrangte an tel a ni.

Grand Finale of the North East Body Can Sing, Season-III a tel tur thlanna hi All India Radio, Aizawl chuan a buatsaih a, hetah hian Ramhlun South YMA te hi pakhatna niin, Mizoram ai an awh ta a ni. Shillong-a zaipawl intihsiaknaah hian hmarchak state dang - Arunachal Pradesh, Manipur, Meghalaya, Nagaland, Sikkim leh Tripura aṭangin zaipawl ṭha tak tak an fuankhawm a ni.

State hrang hrang aṭanga a ṭha ber kalkhawm te hian mahni hnam hla pakhat leh sap hla pakhat ṭheuh an sa a. Ramhlun South YMA zaipawl te hian hian - 'Aw Hmangaihna min thlah lotu - Aw Kawngte u' tih leh 'Joshua fit the battle of Jerico' te an sa a, pakhatna an nihpui ta a ni. Lawmman pa­khat­­na hian pawisa fai Rs. 1,00,000 leh certificate an dawng a ni.

RSYMA Zaipawl te hi nikuma Central YMA leh NEIDA ten rampum huap Zaipawl intihsiak an buatsaihah lawmman pakhatna an lo la tawh bawk a ni. Tunah ṭumah pawh hmarchhak state hrang hrang zingah zaipawl ṭha ber atan thlan an ni leh ta a, Mizoram tihmingṭhatute hi an chhuanawm tak zet a ni.

Ramhlun South YMA Zaipawl te hian music video pawh eng emaw zat an lo siam tawh a, YouTube lamah en theihin a awm a ni.