Kang tuarte tan Metallica

American heavy metal band lar Metallica chuan tun hnaia California-a kangmei chhuak avanga harsatna tawkte hnenah ṭanpuina an hlan.

Metallica hian an foundation din All Within My Hands Foundation kal­tlangin ṭanpuina hi an hlan a, ṭanpuina thawktu North Valley Community Foundation leh Los Angeles Fire Department Foundation hnenah $50,000 ve ve an pe a ni. California-a kangmei chhuak avang hian mi 60 chuang an thi tawh a, mi anduaina tawk zingah pawh milar tam tak an awm a ni.

Chung zingah chuan - Miley Cyrus, Kim Kar­dashian, Caitlyn Jenner, Lady Gaga leh Robin Thicke te pawh an tel. American singer Robin Thicke hi a tur nasa ber zinga mi niin, Malibu-a a in chu a kang chhe hneh hle a ni.