2022 BAFTA Awards ; Beisei lawk ang ngeiin 'Dune' a che ṭha

British lamin Oscar tluk hiala an ngaih ropui British Academy Film Awards (BAFTA) vawi 75-na chu Pathianni khan Royal Albert Hall, London-ah sem a ni a, beisei lawk ang ngeiin Sci-fi film 'Dune' chu che ṭha berin award panga a dawng.

Dune Award dawnte chu
2022 BAFTA Awards nomination hi February 3 khan puan niin 'Dune' hi nomination hmu tam ber a ni a, 11 lai hmuin award semnaah pawh a chet ṭhat hi chhunzawm lehin award panga lai a dawng ta a, Best Cinematography, Best Original Score, Best Production Design, Best Sound leh Best Special Visual Effects award-te chu 'Dune' hian a dawng vek a ni.

Award dawngtu langsar dang
Award ngaihhlut leh ngaihven hlawh Best Film award chu tunhnaia film lama award semnaa che ṭha ṭhin tak 'The Power of the Dog'-in a dawng a, he film director Jane Campion chu Best Director-ah thlan a ni bawk.

Best Actor in a Leading Role chu 'King Richard' film-a Richard Williams lem hnehsawh taka a chan avangin Will Smith chuan a dawng a, Best Actress in a Leading Role chu 'After Love'-a Mary Hussain lema chang Joanna Scanlan chuan a dawng thung. 'Belfast' chuan Best British Film award a dawng ve bawk a ni.

2022 BAFTA Awards dawngtute ṭhenkhat:-
Best Film : "The Power of the Dog"
Outstanding British Film : "Belfast"
Outstanding Debut by : "The Harder They Fall"
a British Writer, Director, or Producer
Animated Film : "Encanto"
Director : Jane Campion, "The Power of the Dog"
Original Screenplay : Paul Thomas Anderson, "Licorice Pizza"
Leading Actress : Joanna Scanlan, "After Love"
Leading Actor : Will Smith, "King Richard"
Original Score : Hans Zimmer, "Dune"
Casting : Cindy Tolan, "West Side Story"
Cinematography : Greg Fraser, "Dune"
Editing : Tom Cross, Elliot Graham, "No Time to Die"
Sound : "Dune"
Special Visual Effects : "Dune"
EE Rising Star Award : Lashana Lynch