27th Critics' Choice Awards ; 'The Power of the Dog' leh 'Ted Lasso' an langsar ber

Critics' Choice Awards 2022 chu Pathianni khan Fairmont Century Plaza Hotel, Los Angeles, California leh Savoy Hotel, London-ahte sem niin film leh TV show lama nikum chhunga che ṭhate an chawimawi.

Taye Diggs leh Nicole Byer-te chuan award sem inkhawm hi host-in Diggs hian kum li chhung a zawnin a host ta a ni. TV show huanga nominee-te chu nikum December 6 khan puan chhuah a ni a, film huang erawh nikum December 13 khan puan chhuah a ni thung.

Film huangah chuan 'The Power of the Dog' a che ṭha leh ber a, award pali a la a, TV show huangah 'Ted Lasso' chu che ṭha ber ve thungin award pali tho a la.

'The Power of the Dog' hian Best Picture, Best Director, Best Adapted Screenplay leh Best Cinematography award-te a dawng a, 'Ted Lasso' chuan Best Comedy Series, Best Actor in a Comedy Series ( Jason Sudeikis), Best Supporting Actor in a Comedy Series (Brett Goldstein) leh Best Supporting Actress in a Comedy Series (Hannah Waddingham)-te a dawng ve bawk a ni.

Best Drama Series award chu 'Succession' chuan dawngin Best Actor award chu 'King Richard' film-a changtupa Will Smith chuan a dawng thung a, Best Actress chu 'The Eyes of Tammy Faye'-a changtunu Jessica Chastain chuan a dawng thung.

2022 Critics' Choice Awards dawngtu langsar zualte:-
Best Drama Series : Succession
Best Actor in a Drama Series : Lee Jung-jae – Squid Game
Best Actress in a Drama Series : Melanie Lynskey – Yellowjackets
Best Comedy Series : Ted Lasso
Best Limited Series : Mare of Easttown
Best Animated Series : What If…?
Best Picture : The Power of the Dog
Best Director : Jane Campion – The Power of the Dog
Best Actor : Will Smith – King Richard as Richard Williams
Best Actress : Jessica Chastain – The Eyes of Tammy Faye
as Tammy Faye Bakker
Best Original Screenplay : Kenneth Branagh – Belfast
Best Cinematography : Ari Wegner – The Power of the Dog
Best Score : Hans Zimmer – Dune