Meghan Trainor Red Kettle Service kick-off dawn

American singer Meghan Trainor chuan Salvation Army ten midang ṭanpui nana kumtina an buatsaih ṭhin, Red Kettle Service chu a kick-off dawn.

Meghan Trainor hi Thanks­giving Day, November 22-a Dallas Cowboys leh Washington Redskins ten match an khelh turah a inlan dawn a, halftime show-ah a perform dawn a ni. He hun hi mi nuai khat lenna AT&T Stadium, Texas-ah buatsaih a ni dawn a, Red Kettle Campaign hawnna hi neih nghal tur a ni dawn a ni.

Meghan Trainor chuan, "Dallas Cowboys halftime show-a inlan theihna hun ṭha min siam hi ka lawm hle a, 128th Red Kettle campaign kick-off tura min thlang hian ka lawmna a belhchhah a ni. Salvation Army te hian mi chanhai zawkte tan nasa takin rawng an bawl ṭhin a, chung zinga ka tel ve thei hi ka inchhuang hle a ni," tiin a sawi.

Salvation Army hian Red Kettle Service hi kumtin an buat­saih ṭhin a, kumin hi a vawi 128-na tur a ni tawh. Kuminah hian Red Kettle Service hi Novem­ber 22 aṭanga December 24 thleng neih tura ruahman niin, khawvel hmun hrang hrangah kalpui a ni ang. Red Kettle Service aṭang hian kum 2017 khan $mtd 144.5 zet an hmuchhuak a ni.

Dallas Cowboys leh Salvation Army te hi kum 1997 aṭang tawh khan Red Kettle campaign atan hian an lo lo thawkho tawh a, an sum thawhchhuah tawh zawng zawng pawh $tld 2.4 zet a tling tawh a ni.