Ambani fanu pasal neiha zai tur Beyonce?

Tunlai media ten an sawi lar tak pakhat chu India pa hausa tawntaw Mukesh Ambani-a fanu Isha Ambani pasal neih tur chungchang a ni. Isha Ambani leh Anand Piramal te inneihna-ah hian American singer lar Beyonce chu a zai dawn niin an sawi a, thuleng vak pawh a tam hle.

Sumdawng hausa fa - Isha Ambani leh Anand Piramal te hi December 12 hian an innei dawn a, hemi hma hian ropui takin a lawmna buatsaih lawk a ni dawn. He hun hi Udaipur-ah neih tura ruahman niin, milar tak tak hming a ri ring hle.

Beyonce chu mipui ngaihven ber niin, a perform dawn leh dawn loh chungchangah titi a tam hle. Beyonce hi a inlan ngei dawn niin an sawi a, India ramah a lo kal a nih pawhin a mak lo ang.

Beyonce bakah hian American musician John Legend, Bollywood singer Shaan leh Academy Award-winning musician AR Rahman te hming pawh a ri ring hle a, thu chiang erawh hriat tur a la awm rih lo thung.

Anand Piramal leh Isha Am­bani te hi thla hmasa lawk khan Italy-a Villa del Balbianello, Lake Como-ah urhsun takin an lo inhual tawh a, an inneih tur chungchang hi India rama media lian ten an ngaihven hle a ni. An inhualna hmun Villa del Balbianello-ah hian Bollywood star Deepika Padukone leh Ranveer Singh te chu an lo inkutsuih tawh bawk.