WWE Legend Scott Hall a thi

WWE Hall Of Famer, ring chhunga Razor Ramon tia hriat, Scott Hall chu heart attack vangin Thawhṭanni khan kum 63 mi niin a thi.

Sean Waltman, X-Pac tia hriat lar chuan Thawhṭanni zanah khan Scott Hall thih thu hi Twitter kaltlangin a puangzar a, WWE pawhin Twitter kaltlang vekin an puangzar ve bawk. WWE chuan,"WWE Hall of Famer vawi hnih lai ni tawh Scott Hall a boral tih hriat hi WWE chuan hrehawm a ti hle. WWE chuan Hall-a kalsan tak a chhungkua, a ṭhiante leh a fan-te a tawrhpui tak zet a ni," tiin thuchhuah an siam.

Scott Hall hi thla tir lamah khan a chetsualnaah a khel bawr a tihnat avangin damdawi-inah enkawl a ni a, chumi an zaina lamah chuan a blood clot 'dislodge' a nih avangin March 12 khan heart attack vawi thum lai a nei zui a, Wellstar Kennestone Hospital,Marietta, Georgia-ah life support hmanga enkawl chhunzawm niin March 14 khan a life support chu an phelhsak a, a thih thu puanzar a ni ta a ni.

Hall hian kum 1984 aṭang khan wrestling a luhchilh ṭan a, May 1992 khan WWF hnuaiah inziak lutin Razor Ramon tiin khawvel chuan a hre ta a ni. WWF Intercontinental Championship vawi li lai a la a, May 1996 khan WWF hi chhuahsanin WCW lam a zawm a, Hulk Hogan leh Kevin Nash-te ho nen New World Order (nWo) dinin WCW United States Heavyweight Champion vawi hnih, WCW World Television Champion vawi khat leh WCW World Tag Team Champion vawi kua lai a ni hman. Kum 2000 khan WWF zawm lehin a hnuah a chhuahsan leh a, kum 2014 khan WWE (WWF ni ṭhin) ah a lut leh a ni.