Dua Lipa 'Levitating' leh a record siam chu...

Dua Lipa 'Levitating' chuan Billboard Hot 100-ah record thar a siam tlat mai. Hmeichhe zinga Billboard Hot 100 chart-a a hla lanpui rei thei ber a ni.

Tunhnaia khinna vawi hnih lai tawk 'Levitating' hla hi Billboard chart tihchhuah thar berah lang lehin kar 70 chhung he chart-ah hian a lang ta a, LeAnn Rimes-i'n 'How Do I Live' hmanga kum 1997-98-a record a lo siam tawh chu a khum. LeAnn Rimes 'How Do I Live' kar 69 Hot 100 chart-ah hian a lang.

Acts zawng zawng anga thlir pawhin 'Levitating' hi hetiang dinhmun thleng thei hla pangana chiah a la ni. Hla panga chiah Hot 100 chart-a kar 70 cham tling thei a la awm. The Weeknd khan record erawh a turu a, 'Blinding Lights' kha kum 2019-21 inkar khan kar 90 lai a champui. Dua Lipa hian a khum thei dawn em tih erawh hunin a la hril ang chu.

'Levitating' hi hla lar tak ni mah se Hot 100 chart topper erawh a ni ngai lo. Nikum May thla khan pahnihna niin chu chu a thlen san ber a ni a, amaherawhchu, he hla hi Billboard 2021 year-end Hot 100 Songs chart-ah erawh a chung berah a awm thung.

Dua Lipa hian he hla hmang hian Hot 100 top 10-a hmeichhe artist cham rei ber record pawh a lo siam tawh a, kar 41 lai a cham a ni.

Billboard Hot 100 chart-a cham rei zualte chu:-
1 Blinding Lights The Weeknd Kar 90
2 Radioactive Imagine Dragons Kar 87
3 Sail AWOLNATION Kar 79
4 I'm Yours Jason Mraz Kar 76
5 Levitating Dua Lipa Kar 70