Science & Environment ; Cartwheel Galaxy-ah Type II Supernova a awm tih tichiang

European Southern Observatory (ESO) chuan Cartwheel galaxy-ah thil puak nasa tak an hmu a, chu chu a hmingah SN2021afdx tih vuahin Type II supernova a ni tih an puang bawk.

ESO chuan an thil hmuh thlalak chu tlangzarh bawkin Cartwheel galaxy hnuai veilam sira spot eng hmuh tur awm chu supernova niin an sawi.

Cartwheel Galaxy hi khawvel aṭanga light-year maktaduai 500 vel zeta hlaa awm a ni a, mithiamte sawi dan chuan he galaxy hi constellation Sculptor-a awm niin kum maktaduai eng emaw zat liam taah khan a ṭhenawm galaxy tê zawk nen inzawmin zungbun ang pian pahnih hmuh tur he galaxy-ah hian a awm a ni, an ti.

Tuna thlalak an pholan lakna atan hian ESO' chuan Chile-a New Technology Telescope (NTT) an hmang a, thlalak hrim hrim hi chu nikum December-a an lak tawh kha niin supernova a awm tih erawh hi chu tunhnaiah khan an puangzar chiah a ni.