[Glass Animals 'Heat Waves'] x 3

Glass Animals 'Heat Waves' chu single chart ngaihven hlawh zual pathumah pakhatna a ni vek!

Glass Animals 'Heat Waves' chu Billboard single chart ngaihven zual pathumah pakhatna a ni vek a, Billboard 200 chart lamah erawh 'Encanto' soundtrack bawkin ro a rel leh.

Better late than never
Kum 2020 June thlaah daih tawh khan Glass Animals 'Heat Waves' hi tlangzarh a ni tawh a, tihchhuah a nih aṭanga kar 59 zet a ral hnuah Billboard Hot 100 chart-ah pakhatna a ni ve chiah. Tunah erawh a zawnin pakhatna a ni tawh a, kar hnih chhung chu US mipuite hla ngaithlak tam ber a zawnin a ni ta.

Tin, Hot 100 chart mai ni lo, Billboard single chart ngaihven hlawh zual dang- Global 200 chart leh Global Excl. US chart-ahte pawh pakhatna a ni bawk. Global 200 chart-ah phei chuan kar thum lai pakhatna a ni ta hial. Chumai chu a ni lo, tunkarah hian Radio Songs chart lamah pawh topper a ni bawk.

MRC Data-in a tarlan dan chuan kar hmasa chhung khan radio airplay audience impression maktaduai 65.6 a nei a, US-ah ringawt vawi maktaduai 15.1 stream niin kar hmasa leh lam aiin stream a pung hlek. Download-a lei 3,500 an awm leh bawk a ni.

Glass Animals hi British indie rock band an ni a, kum 25 chhunga British Group, Hot 100 chart topper kar khat aia tam ni thei hmasa ber an ni. Spice Girls 'Wannabe' hnuah khan hetiang dinhmun thleng leh thei hmasa ber hi an ni hial! (Coldplay 'Viva La Vida' leh BTS an thawhpuina 'My Universe' kha chart topper ni mah se kar khat aia rei chart chung berah an cham thei lo a ni)

Billboard 200 chart lamah 'Encanto' bawk
'Encanto' soundtrack chu kar kuana atan Billboard 200 chart topper a ni leh ta! 'Encanto' hi kar 15 lai he chart-ah hian a cham tawh a, a hun tam ber chu pakhatna niin hun a hmang ta a ni.

Billboard 200 chart-ah hian King Von 'What It Means to Be King' chu pahnihna a ni a, Morgan Wallen 'Dangerous: The Double Album' chu a dinhmun ngaiah ding lehin pathumna a ni ve leh bawk.

The Hot 100 top 5:-
1 Heat Waves Glass Animals
2 We Don't Talk About Bruno Carolina Gaitan, Mauro Castillo,
Adassa, Rhenzy Feliz,
Diane Guerrero, Stephanie Beatriz
& Encanto Cast
3 Super Gremlin Kodak Black
4 abcdefu GAYLE
5 Stay The Kid LAROI & Justin Bieber

Billboard 200 top 10:-
1 Encanto Soundtrack
2 What It Means To Be King King Von
3 Dangerous: The Double Album Morgan Wallen
4 Back For Everything Kodak Black
5 DS4EVER Gunna
6 The Highlights The Weeknd
7 Sour Olivia Rodrigo
8 Certified Lover Boy Drake
9 Planet Her Doja Cat
10 Better Than You DaBaby &
YoungBoy Never Broke Again