'Puss in Boots' chhunzawmnaah Florence Pugh leh Olivia Colman

'Puss in Boots' chhumzawmna siam turah Florence Pugh leh Olivia Colman-te chuan an aw an thawh dawn.

DreamWorks leh Universal-in an siam tur ‘Puss in Boots: Last Wish’ hi September 23, 2022 hian tlangzarh a ni dawn a, 'Shrek' spin-off film hmasa hi kum 2011 khan tihchhuah niin a chhunzawmna chu kum 10 chuang a ral hnuah an tichhuak dawn chauh a ni.

Kitty Softpaws aw-ah Salma Hayek chuan a aw a thawh leh dawn a, Puss in Boots-ah chuan Antonio Banderas bawkin a aw a thawh leh dawn.

Wagner Moura, Ray Winstone, John Mulaney, Da’Vine Joy Randolph, Anthony Mendez leh Samson Kayo-te pawhin an aw an thawh dawn bawk a ni.