2022 Grammy-ah Olivia Rodrigo, BTS, Billie Eilish leh midangte

Recording Academy chuan April 3-a Las Vegas-a sem tur 64th annual Grammy Awards ceremony-a inlan turte an puang a, nominee zinga mi Brothers Osborne, BTS, Brandi Carlile, Billie Eilish, Lil Nas X with Jack Harlow, leh Olivia Rodrigo-te chu an inlan dawn.

Billie Eilish hi a zawnin a kum thumna atan a inlan leh dawn a, kum 2020 khan a unaupa Finneas nen 'When the Party’s Over' chu perform dunin nikumah khan 'Everything I Wanted' chu a sa bawk a ni.

BTS hi a vawi hnihna atan Grammy-ah hian an inlan leh dawn a, nikum lamah khan an hla hit 'Dynamite' an lo inlanpui tawh a ni.

Olivia Rodrigo erawh rimawi khawvelin an hmelhriat aṭangin kum khat awrh a la liam chauh a, a tan chuan Grammy tualzawl chu thil thar a ni dawn. Chuti chung chuan nominee zinga langsar ber pawl a ni thung a, category lian paliah a hming a lang vek!