Miss World 2021 Karolina Bielawska ; 1st Runner-Up Indian-American Shree Saini
Miss World pageant vawi 70-na, Miss World 2021 thlanna chu Nilaini khan Coca-Cola Music Hall, San Juan, Puerto Rico-ah neih a ni a, Poland ram aiawhtu Karolina Bielawska chu Miss World 2021-ah thlan a ni.
1st Runner-Up Shree Saini, United States chu Indian American a ni a, 2nd Runner-Up chu Olivia Yacé, Cote D'Ivoire a ni thung.
Karolina Bielawska chu
Poland model Karolina Bielawska hi kum 23 mi niin Lodz khawpuai cheng a ni a, Lodz University of Technology-ah Management-ah Master Degree nei turin a zir mek a, PhD neih ngei pawh a la tum niin Miss World chuan social media-ah an tarlang.
Ft. 5 leh inches 10-a sang niin TV Host leh Motivational Speaker nih a tum a ni.
Karolina Beauty with a Purpose project chu 'Zupa Na Pietrynie' niin chu a project hnuaiah chuan chenna in nei lote chhawmdawl hna a thawh bakah helamah hian awareness campaign-te a nei ṭhin. Pathianni apiangin Lodz-a chhawmdawl ngai mi 300 dawn hnenah ei leh in tur bakah thawmhnaw, hmai tuamna leh hriselna lam endik thlengin he project hnuaiah hian an thawk a ni. Chenna in nei lote tan Social Bathroom an buatsaih sak bawk.
Kumin Miss World inelnaah hian
Contestant 40 rual fuankhawmin chuta ṭang chuan a ṭha zual 12 an thlang chhuak leh a, mahse top 12 thlan turah hian mi 13 an thlang chhuak a, chung zingah chuan India ram aiawhtu Manasa Varanasi pawh a la tel.
Mi 13 la awm aṭang chuan top 6 an thlang leh a, chutah chuan US, Poland, Indonesia, Mexico, Northern Ireland leh Cote D'Ivore ram aihawte an la tel a ni. Top 6-a tiṭha zual pathum zingah chuan US aiawh, Indian American Shree Saini, Poland aiawhtu Karolina Bielawska leh Cote D'Ivoire aiawh Olivia Yacé-te chu an inel leh a, Karolina Bielawska hi pakhatna a ni ta a ni.
Miss World 2021 thlanna hi nikum December 16-a José Miguel Agrelot Coliseum-a neih tura ruahman a ni a, mahse Covid-19 hripui leng vangin sawn hlat a ni a, March 16 khan an nei ta chauh a ni. Miss World 2021 Karolina Bielawska hi Toni-Ann Singh, Jamaica chuan crown a khumtir a ni.
Miss World 2021 Result
Miss World 2021 : Karolina Bielawska, Poland
1st Runner-Up : Shree Saini, United States
2nd Runner-Up : Olivia Yacé, Cote D'Ivoire
1st Runner-Up Shree Saini, United States