NETFLIX-ah 'Kung Fu Panda' Animated Series

Jack Black aw kan ngaithla leh dawn.

Netflix chuan 'Kung Fu Panda' animated series siam turin hma an la niin Variety chuan a tarlang a, a main character Po aw-ah pawh a hmaa aw kan hriat ṭhan Jack Black aw ngei mai hman a ni leh dawn.

He series thar hi 'Kung Fu Panda: The Dragon Knight' tih a ni dawn a, Kung Fu Panda dang ang bawkin DreamWorks Animation kut chhuak a ni leh dawn a, Peter Hastings leh Shaunt Nigoghossian-te chu executive producer an ni dawn bawk.

'Kung Fu Panda 3' kum 2016-a tihchhuah a nih hnua Jack Black 'Po' anga a inlan lehna hmasa ber tur a ni dawn bawk. Kum 2008 leh 2011-a tihchhuah Kung Fu Panda film-ahte pawh khan Black hian a aw a lo thawh tawh a, he film francise hi khawvelin hmuhnawm a ti a, $tluklehdingawn 1.8 chuang Box Office aṭangin a lalut thei hial a ni.