Ms Marvel chhuah hun tur a hriat ta

Marvel Cinematic Universe (MCU) project hnuaia Muslim superhero hmasa ber Ms Marvel trailer chu an chhawp chhuak ta a, Disney+ Hotstar-a chhuah tur Ms Marvel series hi June 8 aṭangin en theihin an chhawp chhuak dawn.

He series hi Muslim American teenager Kamala Khan (Iman Vellani) chanchin niin Captain Marvel ngaisang tak leh an chak tak a ni a, trailer aṭangin a tleirawl nun leh a mawhphruhna sang tak hmankawp thiam chu harsa a ti dawn hle niin a lang.

Ms Marvel-ah hian episode paruk a awm dawn a, Aramis Knight, Saagar Shaikh, Rish Shah, Zenobia Shroff, Mohan Kapur, leh Matt Lintz-te pawh an chang a ni.