Redmi 10 India ramah tlangzarh a ni ta

Budget phone Redmi 10 chu nimin khan India ramah tlangzarh a ni.

Redmi phone India rama tlangzarh thar hi Redmi 10 global variant nen chuan a dang hlak a, kartir lama Nigeria-a tlangzarh Redmi 10C nen a inang hle.

India rama an tlangzarh hi chu waterdrop-style display notch niin dual rear camera a nei a, octa-core Qualcomm Snapdragon 680 SoC a hmang bawk. Realme C35, Motorola Moto E40, Tecno Spark 8 Pro, leh Samsung Galaxy M21 2021 Edition-te nena inel tawk tura ngaih a ni a, variant chi hnih awmin 4GB RAM + 64GB storage variant chu Rs 10,999 man a ni dawn a, 6GB + 128GB model chu Rs 12,999 man a ni thung ang. Flipkart, Mi.com, Mi Home leh online site hrang hrangah March 24 aṭangin an zuar chhuak ṭan dawn a ni.

Redmi 10 hi rawng chi thum- Caribbean Green, Midnight Black, leh Pacific Blue-te an siam a, Android 11 hmangin 6.7-inch HD+ display a nei bawk.

Redmi 10 Key specs:-
Display 6.70-inch
Processor Qualcomm Snapdragon 680
Front Camera 5-megapixel
Rear Camera 50-megapixel + 2-megapixel
Battery Capacity 6000mAh
OS Android 11
Resolution 720x1648 pixels