John Mayer leh Diplo thawkdun dawn

Grammy award pasa­rih lai lo hui tawh tu, tun hnai lawka Billboard Legend of Life award dawngtu ni bawk, John Mayer leh American DJ lar Diplo te chu an thawkdun dawn.

Diplo hian kar hmasa lam khan instagram lamah John Mayer nena an thawhdun dawn thu hi a lo tarlang tawh a, studio-ah hun an hmandun thu a lo sawilang tawh a nih kha. An selfie dunna pawh a pholang tawh bawk a ni.

John Mayer pawhin hemi chung­chang hi Pathianni khan a Insta­gram Live talk show, Current Mood with John Mayer-ah a sawichhuak ve bawk a, Diplo-a'n hla hrang hrang a thawn thu a sawilang a, hla mawi tak tak an nih thu a sawi.

Mayer leh Diplo thawk­­dun tur hian ngaih­ven a hlawh hle a ni. John Mayer hian a birthday khan hla thar a tihchhuah thuai dawn thu a lo sawi tawh bawk a, Mayer-a fan-te tan chuan nghahhlehawm tawh tak tur a ni.