BTS' debut feature film 'Burn The Stage: The Movie' US Box office-ah record siam

Korean boy band lar BTS-te chuan record dang an siam leh ta a, debut feature film 'Burn The Stage: The Movie' chuan U.S. Box Office-ah record thar a siam.

Burn The Stage: The Movie hian US-ah ringawt $3.54 million lalut in; One Direction in 2014-a an con­cert film an tihchhuah highest- grossing concert film record chu a rawn khum a ni.

Forbes-in an tarlan dan chuan tlangzarh a nih ni hian US box office-ah hian $1.2 million a lalut nghal a, week­end chhung khan $2.3 million an lalut hman. US pawn­­ah $9.3 million a lalut bawk.

BTS fans, ARMY tia hriat te chuan an feature film tlangzarh tur hi an nghakhlel hle a, film distributor Trafalgar Releasing chuan tlangzarh a nih hma kar khan khawvel pumah ticket maktaduai khat an hralh hman tih an sawi.

BTS feature film hi November 15 khan khawvel ram hrang hrang 70-ah tlangzarh a ni a, India lama fan-te erawh chuan an la nghah deuh a ngai dawn thung a, November 25 hian India ramah tlangzarh a ni dawn chauh a ni.