Margot Robbie-in Harley Quinn Movie full title tarlang

DC film Suicide Squad-a Harley Quinn lem hnehsawh taka a chan avanga lawm hlawh em em, Margot Robbie chuan Harley Quinn standalone movie title kimchang a tarlang.

Harley Quinn movie tur hi 'Birds of Prey (and the Fabulous Emancipation of One Harley Quinn)' tih a nih dawn thu Margot Robbie-i chuan a tarlang.

Robbie-i hian Thawhlehni khan a Instagram-ah DC Comics movie thar tur chu 'Birds of Prey (and the Fabulous Emancipation of One Harley Quinn)' tih a nih dawn thu a post a ni.

Warner Bros. pawhin an Twitter page-ah Margot-i thu post hi a dik thu an tichiang ve nghal a, February 7, 2020-ah tlangzarh a nih dawn thu an tarlang tel bawk.

Harley Quinn movie thar turah hian DC Comic movie-a la lang ngai lo Black Canary, Huntress, Cassandra Cain leh Renee Montoya-te hmuh tur an awm dawn a, Comic chhiar ṭhin tan chuan film en chakawm tawh tak tur a ni. Anni ho hian Harley Quinn-i girl gang-ah role pawimawh tak an chang dawn nia tarlan a ni. He film hi Cathy Yan chuan a direct dawn thung.