Rolling Stones in nakkumah US-ah an tour dawn tih puang

Rolling Stones chuan nakkum hian US-ah No Filter tour an neih dawn thu an puang.

Nakkum-a tour an neih tur hi October 2016-a Desert Trip festival show an neih hnua US-a concert an neih leh hmasak ber tur a ni.

Mick Jagger chuan US stadium-a concert chu thil phurawm tak a nih reng thu sawiin nuam an ti hle ṭhin tih a sawi. Keith Richards pawhin US-a concert chu nuam a ti reng tih a sawi ve bawk.

April 20, 2019 aṭang­in tour hi an ṭan dawn a, stadium 13-ah concert an nei ang.

Hard Rock Stadium, Miami Gardens-ah tour hi an ṭan dawn a, June 21-ah Chicago's Soldier Field-ah a tawpna an siam thung dawn a ni. November 30 aṭang hian ticket an zuar ṭan ang.

No Filter tour hi September 2017 aṭang khan an ṭan tawh a ni.