Def Lepard album thar tur 'Diamond Star Halos' Single hmasa ber tichhuak

English rock band Def Lepard chuan single thar 'Kick' an tichhuak a, hei hi an album thar tur 'Diamond Star Halos' aṭanga an single tihchhuah hmasak ber a ni.

'Diamond Star Halos' hi an studio album 12-na tur a ni a, kum 2015 hnua an album tihchhuah leh hmasak ber tur niin hla 15 a awm dawn. He album-ah hian bluegrass singer lar Alison Krauss an thawhpui a, hla pahnih 'The Guitar' leh 'Lifeless'-ahte an thawhpui. David Bowie pianist ni reng ṭhin Mike Garson pawhin he album-ah hian pui bawkin hla pahnih 'Goodbye For Good This Time' leh 'Angels (Can’t Help You Now)'-ahte a kuthnu ngaihthlak tur a awm dawn bawk.

Hripui leng vangin an duh angin album thar tur hi an buaipui chak thei loa, reording pawh ram hrang pathumah an neih a ngai hial. Frontman Joe Elliott hi Ireland lamah a awm a, bassist Rick Savage chu England-ah a awm a, guitarist pahnih Phil Collen leh Vivian Campbell bakah drummer Rick Allen-te United States lamah an awm bawk nen, recording pawh an tihrang nuaih a ni.

Def Lepard hi kum 1977-a indin daih tawh kha an ni a, an studio album hmasa ber 'On Through the Night' phei chu kum 30 chuang liam ta, kum 1980 khan an tlangzarh daih tawh a ni. New wave of British heavy metal movement zinga mi kha an ni a, khawvela album hralh tam ber zinga mi niin khawvel pumah an album maktaduai 100 chuang an hralh tawh. RIAA diamond certification album pahnih an nei tawh bawk. Kum 2019 khan Rock and Roll Hall of Fame-ah lakluh an ni.

Diamond Star Halos tracklist:-
1. Take What You Want
2. Kick
3. Fire It Up
4. This Guitar [feat. Alison Krauss]
5. SOS Emergency
6. Liquid Dust
7. U Rok Mi
8. Goodbye For Good This Time
9. All We Need
10. Open Your Eyes
11. Gimme A Kiss
12. Angels (Can’t Help You Now)
13. Lifeless [feat. Alison Krauss]
14. Unbreakable
15. From Here To Eternity