Madame Web-ah Sydney Sweeney a inlan dawn

Marvel film thar tur an buaipui mek 'Madame Web'-ah Sydney Sweeney a inlan dawn.

'Madame Web' film siam a nih dawn chungchang leh Madame Web lemah Dakota Johnson a chang dawn tih chu tihchian a lo ni tawh a, Sony Pictures Marvel project-ah hian 'Euphoria' star leh Johnson hi an chang dun dawn ta a ni. He film hi S.J Clarkson chuan a direct ang.

Sydney Sweeney hi tu lemah nge a chan dawn an la puangzar lo a ni.Matt Sazama leh Burk Sharpless-te chuan script an ziak a, Kerem Sanga an thawhpui a ni.

Sydney hi kum 24 mi a ni a, film eng emaw zatah inlan tawhin chung zingah chuan 'Once Upon a Time in Hollywood' leh 'Night Teeth'-te pawh kha a tel a ni.