Ukrainian lemchan thiam Oksana Shvets Russia rocket puakah a thi

Russia-in rocket hmanga Kyiv-a mihring chenna in an beihnaah Ukranian lemchan thiam Oksana Shvets chu a thi.

Oksana Shvets thih thu hi Young Theatre chuan thuchhuah siamin an tarlang a, The Hollywood Reporter lam pawhin kum 67 mi a nih thu leh Ukraine-in artist-te an pek theih chawimawina sang ber 'Honored Artist of Ukraine' pawh a dawng tawh tih an tarlang bawk.

Russia hian February 24 aṭang khan Ukraine hi a rûn a, UN High Commissioner for Human Rights Office-in a tarlan dan chuan civil mi 600 an thih tawh bakah hliam sang chuang an awm tawh a ni.