Jaui hla thar 'Ka leng leh ang'

Mizo lengzem singer tunlaia Zofate ngainat ber zinga mi Jaui chuan Zirtawpni zanah khan hla thar 'Ka leng leh ang' a tichhuak.

Jaui hian a hla tharah hian a hla dangah pawh a thawhpui ṭhin Hmachhuana Khiangte, Hope Music bawk thawhpui lehin music leh recording chu Hope Music kut chhuak hi a ni. He hla hi 'Dam chhan' phuahtu Faith Lalduatmawii phuah bawk kha a ni a, Jaui nen hian an inkawp fuh chho zel dawn niin a lang. Video hmuhnawm tak kha RemruataBilywaif kut chhuak a ni thung.

Jaui a zai thiam, a zei, kan hre vek. A music video thar pawh hi hmuh a nuam lehpekin a hla rawn sak pawh a lungrun angreng hle. He hla hi i lo la ngaithla lo a nih chuan a YouTube channel lamah duh hun hunah a hmeh chhuah theih reng tawh a ni.