SEVENTEEN studio album palina chhuah hun tur chu...

K-Pop group SEVENTEEN chuan album thar an tichhuak thuai dawn e. Ningani liam ta khan an management company Pledis Entertainment chuan SVT fan-te tana hriat nuam tak tur thuchhuah an siam tlat mai.

S.Coups, Jeonghan, Joshua, Jun, Hoshi, Wonwoo, Woozi, DK, Mingyu, The8, Seungkwan, Vernon, leh Dino-te management company chuan,"SEVENTEEN-te chu May thlaa studio album puitling nena lo let turin an inbuatsaih a ni," tiin thuchhuah an siam a, a bak erawh thudang an tarlang tel lem lo thung.

SVT hian kum 2019 khan 'An Ode' album an tichhuak a, chumi hnu chuan album puitling dang an la tichhuak leh lo. Mini album erawh an tichhuak tho a, Nikum October thla pawh khan an mini album pakuana 'Attacca' chu tichhuakin Billboard Top Album Sales chart-ahte pawh pakhatna an nihpui hial a ni.