Ram kang tuarte puala Concert One Love Malibu Festival-ah Katy Perry, Gwen Stefani leh Chris Martin perform dawn

California ram kang vanga harsatna nasa tak tawk mek, Malibu mite ṭanpuina tur concert chu December 2 hian buatsaih a ni dawn a, Katy Perry, Gwen Stefani, Chris Martin leh Macy Grey-te chu he hunah hian an perform dawn niin an tarlang.

Ram kang tuarte puala concert neih tur hi One Love Malibu Festival tih a ni dawn a, Los Angeles radio station KCRW chuan an host dawn a ni.

California ramkang vang hian Robin Thicke leh Miley Cyrus-te pawhin California-a an in an chan a ni.

One Love Malibu Festival-ah hian Robin Thicke, Natasha Bedingfield, Brandi Carlile, Chad Smith, Taylor Hawkins, Angel Haze, Doroty leh Rita Wilson-te pawh an perform dawn nia tarlan a ni bawk.

Live auction a awm nghal dawn nia tarlan a ni a, concert aṭanga an sum hmuhchhuah zawng zawng hi Malibu Foun­dation leh One Love Malibu relief organizations-te hnena hlan vek a ni dawn a ni.

Ram kang hian chenna in 13,000 a tihchhiat bakah mi 81 in nunna an chan phah a ni. He hunah hian hollywood star ṭhenkhat Demi Moore, Pierce and Keely Brosnan, Johnny Galecki, Cara Delevingne, Orlando Bloom, Anjelica Huston, Chris Dourisad Laird Hamilton, Gabby Reece leh Liberty Ross-te pawh an inlan dawn bawk.