Cardi B-in a nu tan in leisak

Hmeichhe rapper ro­pui Cardi B chuan a nu tan in a leisak a, a naupan lai aṭanga a duhthusam a tihhlawhtlinna a nih thu a sawi bawk.

Cardi, a hming tak Belcalis Almanzar chuan a nu tana in leisak chu a naupan lai aṭanga a duh­thusam a nih reng thu a sawi a, nikum lam khan leisak a tum tawh thu sawiin a in duh ang a hmuh chu a man vangin a lei lo tih a sawi.

A nu tana in a leisakna hi New York-ah a ni a, choka leh dining space pawh a zau hle a ni.

Kumin hi Cardi B tana kum ṭha a ni a, a debut album Invasion of Privacy chu US Billboard 200-ah pakhatna a ni a, hmeichhe rapper zingah US-a number one single pahnih nei thei hmasa ber a ni.

Time's most influential people in the world-ah pawh a hming hi a lang ve hial bawk.