Wolverine a lo let leh dawn: Hugh Jackman
Hugh Jackman chuan tun hnaia an interview-naah Wolverine lemah a chan leh dawn thu sawiin, Ryan Reynolds-a Deadpool nen erawh an intawng dawn lo tih a sawi.
People's 'Sunday in an interview-naah Hugh Jackman chuan Wolverine chu a lo let leh ngei dawn tih a sawi. Deadpool nena an chungchang pawh zawh a ni a, Deadpool hian a movie velah Wolverine hi a kah fo avangin an intawng dawn em tih zawhna chu chhangin Hugh Jackman chuan khawvelin Deadpool leh Wolverine lan dunna film an hmuh tak tak a rin loh thu a sawi bawk.
Jackman hian 'X-Men'-ah erawh a inlan tawh dawn lo thu a lo sawi tawh a nih kha, mahse midangin Wolverine lem an chang dawn a nih chuan a thlawp thu pawh a lo sawi tawh bawk a ni.
Hugh Jackman hi kum 50 mi ni tawhin Wolverine lemah hian kum 17 chhung zet a lo chang tawh a, 2000 kumah khan X-Men movie-ah he role hi lo chang tawhin nikum-a Logan movie thleng khan Wolverine-a lemah hian a chang char char a ni.