IFFI 2018, Mizoram Film Forum-ten hlawkpui

International Film Festival of India, 2018, Goa-a neih meka kal Mizoram Film Forum leh I&PR Dept. in a tirh te chuan Film Festival hi an hlawkpui hle.

Fil Forum leh I&PR in a tirh team-te hi nimin khan group hnihah an inṭhen a, Team Leader Na­polean RZ Thanga chu Film Bazar-a a tel zawh hnuah Pitching Session Co-Production market a chhim ve leh bawk a ni.

Hetihlai hian midang pali te chuan IFFI-ah film show an en thung.

Nimin chawhnu khan Knowledge Series, North East Cinema and Opportunities Unex­plored discussion neih a ni a, Napolean RZ Thanga hi panel-a ṭhu zingah a tel ve hial a ni. He hunah hian Mizo film clip tawite chhuah a nih hnuah discussion hi ṭan a ni a, mipui pawh an kal ṭha hle bawk.

Discussion hi ṭha taka neih niin Mizo film industry ṭhang mek chuan ngaihven a hlawh hle niin a kal te chuan an sawi.

Mizoram team-te hi media lamin an interview bawk a, ni­zan khan Networking Evening, Marriot-ah an tel leh bawk a ni.