Alicia Silverstone-te nupain inṭhenna tur tifel

Kum 11 zet an inneih hnuah Alicia Silverstone leh a pasal Chris Jarecki-te chuan inṭhen turin thu an tifel ta tih an puang.

Inṭhenna tura an thu­thlung ziahah hian enge inziak tarlan la ni lo a, inṭhen an tumna rei tawh mah se thu an tifel thei lawk lo a, private judge pakhatin a puihna zarah inṭhenna hi an tifel thei dawn ta niin an sawi.

Inṭhenna thu hi No­vember 16 khan an ziak­fel tawh nia tarlan a ni a, mahse private judge hmanga inremna an siam hi court in a pawmpui hma chu an la inṭhen tak tak thei lo a ni.

Silverstone leh Jerecki te hian kum sarih mi fapa an nei a, Silverstone chuan a rilru nat thlak hle na­chungin an pahnih tan in-ṭhen chu a ṭha zawk tih a sawi.

Alicia hian fa dang la neih belh leh erawh a chak tho thu sawiin fanu neih a chak reng thu a sawi bawk.