India-ah Vivo Y95 Tlangzarh dawn

Vivo chuan an smart­phone siam thar Vivo Y95 chu Pa­thianni hian India-ah an tlang­zarh dawn thu an tar­lang a, cheng singhnih man vel a nih dawn thu an sawi.

Vivo Y95 hian Qual­comm Snapdragon 439 SoC a hmang dawn a, dual rear camera leh waterdrop-shaped notch dah a nih bakah fingerprint sensor pawh dah a ni bawk.

Vivo Y95 hi kar hmasa lamah khan khawvel pum huap ang chuan Phillippines-ah tlangzarh a lo ni tawh a ni.

A specifications tlang­pui chu- dual-SIM, Android 8.1 Oreo, FunTouch OS 4.5, 6.22-inch IPS HD+ (720x1520 pixels) resolution, 270ppi pixel density leh 2.5D curved glass protection-te a ni. 1.9GHz 64-bit Snapdragon 439 octa-core SoC bakah Adreno 505-te hmangin 4GB RAM hmang bawk a, Internal Storage hi 64GB niin microSD card a dahbelh theih bawk.

Back camera hi dual a nih angin 13-megapixel sensor leh 2-megapixel sen­sor-te a dah a ni a, LED flash leh PDAF-te dah a ni bawk. A front camera erawh hi chu 20-megpixel a ni thung a, AI face beauty leh selfie flash support-te dah a ni.

Connectivity lamah chuan Wi-Fi, 4G LTE, Blue­tooth, OTG, GM Radio, GPS leh GLONASS-te a hmang a, sensors board-ah hian accelero­meter, light sensor, orien­tation, face unlock, leh proximity sensor-te chu dah a ni bawk. Battery hi 4,030mAh a ni thung.