Voltas Malsawm House Ṭhazual Gospel ; Rka Boihtlung 'A ko che' pakhatna

Voltas Malsawm House Ṭhazual Gospel chart-ah Rka Boihtlung 'A ko che' chu pakhatna a ni a, pahnihna chu Bethsy Lalrinsangin 'Nang chawimawi nan' niin Lalthansangi 'A chatuan ro luah tumin' chu pathumna a ni bawk.

Rka Boihtlung 'A ko che'
Mizo Idol star Rka Boihtlung hian January thla tawpah khan 'A ko che' hi a tichhuak a, chart hmasa lamah khan pahnihna niin tunah erawh pathumna a ni ta.

Rka Boihtlung a zai thiam tih chu kan hre ṭheuhin a rinawm a, 'A ko che' hi a sa mawiin, music video pawh hmuh a nuamin shooting a neihna hmun pawh a changkang a, music video thlira ngaihthlak manhla tak a ni.

'A ko che' hi amah Rka phuah hi a ni nghe nghe a, music chu Mangheta nena an siam dun niin video hmuh nuam tak buaipuitu chu Alex Bawi a ni thung.

Pahnihna leh pathumna chu
Bethsy Lalrinsangi'n 'Nang chawimawi nan' chu pathumna aṭangin pahnihnaah a rawn inhlangkai a, pakhatna ni tur pawhin a dinhmun a ṭha sawt viau. February thla tir tea YouTube-a a dah chuan thlirtu nuai chuang an awm leh der tawh a ni.

Pathumna chu Lalthansangi hla 'A chatuan ro luah tumin' kha a ni a, ani pawh hian a dinhmun a sawh nghet sawt viau.

Hla dang chart-a langte
Nghaktea Fanai 'I ropui an hril' chu palina a ni a, Lalhminghlui 'Kan thleng thuai dawn e' chu pangana a ni thung.

Vanlalzawmpuii Hrahsel, Maruati, Lalhmudiki, Arini leh Seraphic Choir-te chu top 10-ah an lang bawk a, Ṭhazual Gospel chart hi a hot chho dawn tih a chiang.

Ṭhazual Gospel chart top 10:-
1 Rka Boihtlung A ko che
2 Bethsy Lalrinsangi Nang chawimawi nan
3 Lalthansangi A chatuan ro luah tumin
4 Nghaktea Fanai I ropui an hril
5 Lalhminghlui Kan thleng thuai dawn e
6 Vanlalzawmpuii Hrahsel Siamtu hre reng rawh
7 Maruati Ka thlang nawn zel fo vang che
8 Lalhmudiki Raltiang par
9 R. Lalrinmawii (Arini) Luiral mawi
10 Seraphic Choir Lalnunnem