Drummer thar nena studio lam pan tur Rolling Stones

An drummer duhlai Charlie Watts-in a boral san hnuah an reh deuh vang vanga, tunah erawh thawm duhawm hriat tur an rawn nei ta e. Rolling Stone chuan drummer thar nen studio lam lut turin ruahmanna an siam.

Rolling Stone magazine-in an kawmnaah guitarist Keith Richards chuan hemi chungchang hi sawiin an touring drummer, John Mayer pawhin a thawhpui ṭhin Steve Jordan chuan khuang a put sak dawn tih a sawi.

Richards chuan Charlie Watts hoa an rimawi siam la phawrh loh pawh an nei nual tih sawiin, a boral khan album thar tichhuak turin kawng chanve an zawh tawh hial tih a sawi. Chumi avang chuan puitlin an duh a, drummer thar an mamawh bawk a, chu an drummer thar chu Steve Jordan a nih thu a sawi a ni.