Hillsong Worship in ‘Christmas: The Peace Project (Deluxe)’ tlangzarh
Khawvel huapa worship band lar tak Hillsong Worship chuan Christmas hla hlang awmna “Christmas: The Peace Project (Deluxe)” an tlangzarh thu an tarlang.
“Christmas: The Peace Project (Deluxe)" hi tlangzarh a nih thu kar hmasa lam khan an lo tarlang tawh a, Apple Music, Spotify, Amazon leh online music store dangah te lei theih turin a awm tawh tih an sawi.
The Peace Project (Deluxe) hi 2017-a Christmas album an tlangzarh deluxe version a ni a, nikuma an Christmas album tlangzarh hi vawiin thleng hian stream tu mi maktaduai 18.5 an awm tawh a ni.
The Peace Project (Deluxe)-ah hian track 27 a awm a, live recording thar pahnih, reimagined recording pahnih leh hla zawng zawng instrumental version hi an dah a ni. Deluxe version-ah hian Young & Free frontman Aodhan King, UNITED-a an vocalist Taya Smith leh Worship Brooke Ligertwood-te zai pawh ngaihthlak tur a awm leh dawn bawk.