Nakkumah Pokemon Detective Pikachu

1996 khan a video game tihchhuah a ni a, Japan-ah chuan a hit nghal hle. Kum 22 zet a liam hnu chuan real life action movie trailer hmuh tur a awm ta! Pokemon fans tan chuan thu lawmawm tak a ni ngei ang.

Kum 2003 chho vela Mizo naupang te pawhin an buaipui nasat em em ṭhin Pokemon movie chu cartoon ni loin an siam ta a, Warner Bros. chuan karkhat liamta khan a trailer an ti chhuak tawh. Trailer ringawt pawh hi YouTube lamah chuan viewer maktaduai 48 chuang an awm tawh. Captain Marvel trailer kha thla hnih liamtaa tihchhuah a ni a, viewer ngah lamah a khum der tawh!

Naupang lawmzawng tihngawt chi pawh a ni lo tih chu a chiang hle a ni.

Mahse Pokemon film chhuak thar tur hi a Anime behchhana siam a ni lo thung a, a game pakhat Detective Pikachu behchhana siam a ni dawn a, Ash Ketchum-a kan hmu dawn lo thung.

He film-ah hian Deadpool star, Ryan Reynolds chuan a aw a thawh dawn a ni.

Pokemon hi a cartoon chuan a movie pawh hi a chhuak tam tawh a, movie an siam hmasak ber phei chu US Box office-ah pawh pakhatna a lo ni zak zak tawh a, cartoon-a movie an siam hmasak pathum hi Box office-ah an che ṭha hle a, sum pawh an lalut hnem rem rem hle a ni.