Justin Bieber in an inneih thu tichiang

Justin Biber chuan social media-ah Thanks­giving Day chu nupui neia a hman thu a post mauh mai.

Hun eng emaw chen aṭang khan Justin Bieber leh Hailey Baldwin-te chungchangah hian thu lengvak a tam hle a, an inneih tawh thu an ṭhian hnai deuh te pawhin lo sawi zauh zauh tawh mah se anmahni lam hian thu leh hla an nei lawk lo a ni.

An thawm a reh deuh ta maw tihah Justin Bie­ber chuan a follower mak­taduai 102-te hmuh turin nupui neih a nih tawh thu leh nupui nei ngeia thanksgiving a hman vawi­khatna a nih thu a post.

Hei hi an innei ngei a ni tih an sawichian vawikhatna a ni bawk.

Thudang vak erawh a sawilang lo thung a ni. Justin-a leh Baldwin te hi New York courthouse-ah September thla khan an innei niin thuthang a awm a, mahse hei hi Baldwin chuan a pha a nih kha, mahse a lo dik ngei a ni.

Kar hmasa khan social media lama a comment-ah Bieber hian Baldwin hi a nupui tiin a lo comment zauh tawh a, Baldwin pawh hian Hailey Bieber tia a hming a thlak avangin thuchiang sawi lo mah se an inneih tawh hi mi tam tak chuan an ring tawh tho a ni.

Justin Biber chuan Isua hnena lawmthu sawi­na a post bawk a, nitin amah ang tura nun a hman thu sawiin kawng thui tak a nih thu a sawi bawk. Mahse Pathian ṭhatna chu a tawk a ni, tiin a sawi bawk.