'Astronaut' Rebecca Lallawmsangi & Peka Fanai

Music video hmuhnawm tak chu

Tunlai Mizo lengzem singer zinga 'hit' ber pawl, a hla tihchhuah thar apiang a hit emaw tih mai tur, Rebecca Lallawmsangi chuan music video thar 'Astronaut' a tichhuak. He hlaah hian Peka Fanai nen an thawk dun leh a ni.

Rebecca Lallawmsangi 'Astronaut' hla hi a hla dang 'hit' tak tak lo phuah tawhtu Peka Fanai phuah bawk a ni a, a 'hit' leh a beiseiawm. 2022 Fishtail Records-ah recording chu tiin Zothlir (Reuben Lalmalsawma) chuan music video hi a produce thung.

'Kan khua' hitmaker hian kuminah hian music video a la tichhuak loa, 'Astronaut' hi kumina a hla tihchhuah hmasak ber niin nizan aṭang khan Zonet lamah chuan thlira ngaihthlak theihin a chhawp chhuak tawh a, Zirtawpni aṭang hian duh hun huna hmeh chhuah theih turin YouTube lamah a chhawp chhuak bawk ang.

Music video changkang tak chu...
Rebecca Lallawmsangi & Peka Fanai 'Astronaut' music video hi Reuben Lalmalsawma kut chhuak a ni. Nikum Ṭhazual award-a Kimkima 'Hmangaihna rimawi' MV vanga Best Music Video Lengzem award lo dawng tawhtu Reuben-a kut chhuak hi a dangdai lehpek hle.

Mizo MV danga kan la hmuh ngai loh, a hla thupui nena inmil tak, van boruak (space) lam hawi music video a ni daih a, a hla a mawi piah lamah mit a tlai viau.

Music video-a VFX Artist chu I AM DEMIX (B Lalzemawia) a ni a, Reuben-a nen hian an thawkdun fuh hle. Reuben-a hian a direct bakah, shooting leh editing zawng zawng a buaipui vek bawk a, video hmuhnawm tak min hlui a ni.